श्री भैरव चालीसा || Shree Bhairav Chalisa Lyrics in Hindi

दोहा

श्री गणपति, गुरु गौरि पद, प्रेम सहित धरि माथ ।
चालीसा वन्दन करों, श्री शिव भैरवनाथ ॥

श्री भैरव संकट हरण, मंगल करण कृपाल ।
श्याम वरण विकराल वपु, लोचन लाल विशाल ॥

चौपाई

जय जय श्री काली के लाला ।
जयति जयति काशी-कुतवाला ॥१॥

जयति बटुक-भैरव भय हारी ।
जयति काल-भैरव बलकारी ॥२॥

जयति नाथ-भैरव विख्याता ।
जयति सर्व-भैरव सुखदाता ॥३॥

भैरव रूप कियो शिव धारण ।
भव के भार उतारण कारण ॥४॥

भैरव रव सुनि हवै भय दूरी ।
सब विधि होय कामना पूरी ॥५॥

शेष महेश आदि गुण गायो ।
काशी-कोतवाल कहलायो ॥६॥

जटा जूट शिर चंद्र विराजत ।
बाला मुकुट बिजायठ साजत ॥७॥

कटि करधनी घुंघरू बाजत ।
दर्शन करत सकल भय भाजत ॥८॥

जीवन दान दास को दीन्ह्यो ।
कीन्ह्यो कृपा नाथ तब चीन्ह्यो ॥९॥

वसि रसना बनि सारद-काली ।
दीन्ह्यो वर राख्यो मम लाली ॥१०॥

धन्य धन्य भैरव भय भंजन ।
जय मनरंजन खल दल भंजन ॥११॥

कर त्रिशूल डमरू शुचि कोड़ा ।
कृपा कटाक्ष सुयश नहिं थोडा ॥१२॥

जो भैरव निर्भय गुण गावत ।
अष्टसिद्धि नव निधि फल पावत ॥१३॥

रूप विशाल कठिन दुख मोचन ।
क्रोध कराल लाल दुहुं लोचन ॥१४॥

अगणित भूत प्रेत संग डोलत ।
बम बम बम शिव बम बम बोलत ॥१५॥

रुद्रकाय काली के लाला ।
महा कालहू के हो काला ॥१६॥

बटुक नाथ हो काल गंभीरा ।
श्‍वेत रक्त अरु श्याम शरीरा ॥१७॥

करत नीनहूं रूप प्रकाशा ।
भरत सुभक्तन कहं शुभ आशा ॥१८॥

रत्‍न जड़ित कंचन सिंहासन ।
व्याघ्र चर्म शुचि नर्म सुआनन ॥१९॥

तुमहि जाइ काशिहिं जन ध्यावहिं ।
विश्वनाथ कहं दर्शन पावहिं ॥२०॥

जय प्रभु संहारक सुनन्द जय ।
जय उन्नत हर उमा नन्द जय ॥२१॥

भीम त्रिलोचन स्वान साथ जय ।
वैजनाथ श्री जगतनाथ जय ॥२२॥

महा भीम भीषण शरीर जय ।
रुद्र त्रयम्बक धीर वीर जय ॥२३॥

अश्‍वनाथ जय प्रेतनाथ जय ।
स्वानारुढ़ सयचंद्र नाथ जय ॥२४॥

निमिष दिगंबर चक्रनाथ जय ।
गहत अनाथन नाथ हाथ जय ॥२५॥

त्रेशलेश भूतेश चंद्र जय ।
क्रोध वत्स अमरेश नन्द जय ॥२६॥

श्री वामन नकुलेश चण्ड जय ।
कृत्याऊ कीरति प्रचण्ड जय ॥२७॥

रुद्र बटुक क्रोधेश कालधर ।
चक्र तुण्ड दश पाणिव्याल धर ॥२८॥

करि मद पान शम्भु गुणगावत ।
चौंसठ योगिन संग नचावत ॥२९॥

करत कृपा जन पर बहु ढंगा ।
काशी कोतवाल अड़बंगा ॥३०॥

देयं काल भैरव जब सोटा ।
नसै पाप मोटा से मोटा ॥३१॥

जनकर निर्मल होय शरीरा ।
मिटै सकल संकट भव पीरा ॥३२॥

श्री भैरव भूतों के राजा ।
बाधा हरत करत शुभ काजा ॥३३॥

ऐलादी के दुख निवारयो ।
सदा कृपाकरि काज सम्हारयो ॥३४॥

सुन्दर दास सहित अनुरागा ।
श्री दुर्वासा निकट प्रयागा ॥३५॥

श्री भैरव जी की जय लेख्यो ।
सकल कामना पूरण देख्यो ॥३६॥

दोहा

जय जय जय भैरव बटुक स्वामी संकट टार ।
कृपा दास पर कीजिए शंकर के अवतार ॥

जो यह चालीसा पढ़े, प्रेम सहित सत बार ।
उस घर सर्वानंद हो, वैभव बढे अपार ॥

॥ इति श्री भैरव चालीसा ॥