श्री शिव चालीसा || Shiv Chalisa Lyrics in Hindi

दोहा

जय गणेश गिरिजा सुवन, मंगल मूल सुजान।
कहत अयोध्यादास तुम, देहु अभय वरदान ॥

चौपाई

जय गिरिजा पति दीन दयाला ।
सदा करत सन्तन प्रतिपाला ॥१॥

भाल चन्द्रमा सोहत नीके ।
कानन कुण्डल नागफनी के ॥२॥

अंग गौर शिर गंग बहाये ।
मुण्डमाल तन क्षार लगाए ॥३॥

वस्त्र खाल बाघम्बर सोहे ।
छवि को देखि नाग मन मोहे ॥४॥

मैना मातु की हवे दुलारी ।
बाम अंग सोहत छवि न्यारी ॥५॥

नन्दि गणेश सोहै तहँ कैसे ।
सागर मध्य कमल हैं जैसे ॥६॥

कार्तिक श्याम और गणराऊ ।
या छवि को कहि जात न काऊ ॥७॥

देवन जबहीं जाय पुकारा ।
तब ही दुख प्रभु आप निवारा ॥८॥

किया उपद्रव तारक भारी ।
देवन सब मिलि तुमहिं जुहारी ॥९॥

तुरत षडानन आप पठायउ ।
लवनिमेष महँ मारि गिरायउ ॥१०॥

आप जलंधर असुर संहारा ।
सुयश तुम्हार विदित संसारा ॥११॥

त्रिपुरासुर सन युद्ध मचाई ।
सबहिं कृपा कर लीन बचाई ॥१२॥

किया तपहिं भागीरथ भारी ।
पुरब प्रतिज्ञा तासु पुरारी ॥१३॥

दानिन महँ तुम सम कोउ नाहीं ।
सेवक स्तुति करत सदाहीं ॥१४॥

वेद नाम महिमा तव गाई।
अकथ अनादि भेद नहिं पाई ॥१५॥

प्रकटी उदधि मंथन में ज्वाला ।
जरत सुरासुर भए विहाला ॥१६॥

कीन्ही दया तहं करी सहाई ।
नीलकण्ठ तब नाम कहाई ॥१७॥

पूजन रामचन्द्र जब कीन्हा ।
जीत के लंक विभीषण दीन्हा ॥१८॥

सहस कमल में हो रहे धारी ।
कीन्ह परीक्षा तबहिं पुरारी ॥१९॥

एक कमल प्रभु राखेउ जोई ।
कमल नयन पूजन चहं सोई ॥२०॥

कठिन भक्ति देखी प्रभु शंकर ।
भए प्रसन्न दिए इच्छित वर ॥२१॥

जय जय जय अनन्त अविनाशी ।
करत कृपा सब के घटवासी ॥२२॥

दुष्ट सकल नित मोहि सतावै ।
भ्रमत रहौं मोहि चैन न आवै ॥२३॥

त्राहि त्राहि मैं नाथ पुकारो ।
येहि अवसर मोहि आन उबारो ॥२४॥

लै त्रिशूल शत्रुन को मारो ।
संकट से मोहि आन उबारो ॥२५॥

मात-पिता भ्राता सब होई ।
संकट में पूछत नहिं कोई ॥२६॥

स्वामी एक है आस तुम्हारी ।
आय हरहु मम संकट भारी ॥२७॥

धन निर्धन को देत सदा हीं ।
जो कोई जांचे सो फल पाहीं ॥२८॥

अस्तुति केहि विधि करैं तुम्हारी ।
क्षमहु नाथ अब चूक हमारी ॥२९॥

शंकर हो संकट के नाशन ।
मंगल कारण विघ्न विनाशन ॥३०॥

योगी यति मुनि ध्यान लगावैं ।
शारद नारद शीश नवावैं ॥३१॥

नमो नमो जय नमः शिवाय ।
सुर ब्रह्मादिक पार न पाय ॥३२॥

जो यह पाठ करे मन लाई ।
ता पर होत है शम्भु सहाई ॥३३॥

ॠनियां जो कोई हो अधिकारी ।
पाठ करे सो पावन हारी ॥३४॥

पुत्र हीन कर इच्छा जोई ।
निश्चय शिव प्रसाद तेहि होई ॥३५॥

पण्डित त्रयोदशी को लावे ।
ध्यान पूर्वक होम करावे ॥३६॥

त्रयोदशी व्रत करै हमेशा ।
ताके तन नहीं रहै कलेशा ॥३७॥

धूप दीप नैवेद्य चढ़ावे ।
शंकर सम्मुख पाठ सुनावे ॥३८॥

जन्म जन्म के पाप नसावे ।
अन्त धाम शिवपुर में पावे ॥३९॥

कहैं अयोध्यादास आस तुम्हारी ।
जानि सकल दुःख हरहु हमारी ॥४०॥

दोहा

नित्त नेम कर प्रातः ही,पाठ करौं चालीसा ।
तुम मेरी मनोकामना,पूर्ण करो जगदीश ॥

मगसर छठि हेमन्त ॠतु,संवत चौसठ जान ।
अस्तुति चालीसा शिवहि,पूर्ण कीन कल्याण ॥

॥ इति श्री शिव चालीसा ॥